كلمات اغنية "طوف وشوف" ام كلثوم

طوف بجنة ربنا ببلادنا وأتفرج وشوف
ضفتين بيقولوا اهلا والنخيل شامخ صفوف
وابتسامة شمسنا أجمل تحية للضيوف
والنسيم يرقص بموج النيل على الناي والدفوف
طوف وشوف
شوف هنا جنب المصانع والمداخن والزحام
الغيطان إلي اخرها المدنه وأبراج الحمام
والسواقي اللى ما نامت ليله من كام الف عام
شوف جمال الريف وآمن بالمحبة والسلام
طوف وشوف
شوف اثار أجيال ملو الدنيا حضارة وابتكار
علموا قلب الحجر يوصف معارك الانتصار
علموه يبقى سفير الدهر ليهم بالفخار
كان نهار الدنيا ما طلعشي وهنا عز النهار
طوف وشوف
كل دي كانت كنوز الماضي شوف حاضر بلادي
شوف كنوز الثورة فيها والمواهب والأيادي
اللى بيهم سدنا يعلا وفيض الله يزيد
يزحفوا بالميه تخلق م العدم عالم جديد
يكشف سر الصحارى يصهروا عزم الحديد
يوصلوا الدنيا بقنالنا من هنا من بور سعيد
طوف وشوف
الجنود اللى بيحموا مجدنا من كل عادي
الصفوف اللى يبنوا بعزمهم نهضة بلادي
اللى خطوتهم تبوسها ارضنا وتقول ولادي
نادوا بالحرية قام الشعب وأتحدى المحال
والأمل اصبح عمل والخيال اصبح نضال
هى دي ثورة بلادي اللى حققها جمال