كلمات اغنية "حيرة الضامي" حسين الجسمي

كلمات اغنية حيرة الضامي مكتوبة

انا ياويل من مثلي ضروف الوقت طاح ابها
غدت بي حيره الضامي على مورد مشاريبه
جداول من منابع صافيه والشهد ذاب ابها
منابع تروي الضامي وفيها سحر نهيبه
خذتني ياملا من دون لا اشعر واحس ابها
صحيت ولان روحي ياملا من روحه قريبه
تملكني وملك النفس اله الكون مالكها
حكمني ولا انا حر ونفس الحر عديبه
اسرني بالوفا حبه و حكم شروعها اوجبها
حوا الاخلاص دستوره وادى لي مواجيبه
حضتني بالهوا نفسه الهى كيف احاربها
تمثل في هواها اسمه معاني الجود والطيبه
توالفنا مواليف الجوازي في مقاربها
نتابع جاري الوادي و نقطف ماحلا طيبه
جوازي ربعت تتلا من الوسمي مطايبها
بروض زاخرن , فيه كسا عشبه مراقيبه
قضينا في ربيع هواه ليالي الحظ كاتبها
جمعنا الحب بدروبه وشاركنا مواكيبه
وجوده في حياتي هون الدنيا مصاعبها
حبيب صادق الاحساس معاني الحب تسمي به
يعادل بالغلا روحي عيوني اللي اشوف ابها
غمرني حبه العذري غلاه الدم يجري به
الا ياليت ساعات الزمن وقفت عقاربها
ولا ورتني ايام الفراق ومر تعذيبه
رجعنا للزمن ندفع سعادتنا ضرايبها
ثمنها كان فرقانا ولازالت مطاليبه
كذا الايام غداره غدت بي في تلاعبها
دعت ربحي من الحرمان تتضاعف مكاسيبه
جزاك الله يادنيا تردت بي مناكبها
دعتني من عنا فرقاه بين الشك والريبه
اعزي بالصبر نفسي وزود الصبر يتعبها
توارث دونها مالي وجرحي عز تطبيبه
سنين العمر من دونه كأني ماحييت ابها
ولا يسوى معي عمر خسر عشره محابيبه
يراود نفسي شعور من الذكر يعذبها
اخاف ان العمر يمضى بنا وتطول الغيبه
كلمات :
أخراج :
أنتاج :
توزيع :
الحان :
3 ألف مشاهدة
  • شارك المقالة

قد يعجبك

donate