كلمات اغنية "ليالي العمر معدوده" شاديه

ليالى العمر معدودة وليه نبكى على الدنيا
وناس فى الدنيا موعودة نصيبها يروح لناس تانية
ليالى العمر ليالى العمر
ليالى العمر ليالى العمر معدودة

صحيح الدنيا دى خاينة وخدعانا بأمانيها
نهاية ضحكها باينة وبتحاول تخبيها
كفاية شقاها وخداعها كفاية سيبونى أودعها
لا عندى آمال تضيعها ولا فيه بخت فى الدنيا
ليالى العمر ليالى العمر
ليالى العمر ليالى العمر معدودة

بيعوها ياللى شارينها وسحراكم لياليها
ده عاش اللى خرج منها ومات اللى فضل فيها
أمانة ياللى تهوانى تغيب عنى وتنسانى
وفكر فى حبيب تانى يكون له عمر فى الدنيا
ليالى العمر ليالى العمر
ليالى العمر ليالى العمر معدودة

نقدر والقدر يضحك ونفرح والزمن ساخر
وبتعجب على أمرك يا طالب عمر للآخر
فى دنيا فانية وتحير لا ترضى كبير ولا صغير
ده واللى سابها يتخير ما يرضى يرجع الدنيا
ليالى العمر ليالى العمر
ليالى العمر ليالى العمر معدودة