كلمات اغنية "حاول تفتكرني" عبد الحليم حافظ

انا اللى طول عمرى بصدق كلام الصبر في المواويل
وانا اللى طول عمرى بقول الحب عمره طويل
من كتر ما كان الحب واخدنا
وكل حلاوه الدنيا في ايدنا
لا فكرنا زمان يعاندنا ولا ايام تقدر تبعدنا

وعشنا الحب بلأيام
وكل بكره فيه أحلام
واتارى كل ده اوهام

وسافر من غير وداع
فات في قلبي جراحه
دبت في ليل السهر
والعيون ما ارتاحوا

و منين نجيب الصبر يا أهل الله يداوينا
اللي انكوى بالحب قبلينا يقول لينا
وسافر من غير وداع

حبيبى والله لسه حبيبى والله
وحبيبى مهما تنسى حبيبى والله
وحبيبى عمرى ما انسى حبيبى
ابقى افتكرنى حاول تفتكرنى
بعدنا بعدنا ليه تعبنا
قول قول قول من ايه
من الشك يا عيني
من كلمه قالوها علي
من الغيره يا عينيا
الغيره ياما عملت فيا

حبيبى مهما شوقى يطول يا حبيبى
حأفضل اقول يا حبيبى
ابقى افتكرنى حاول تفتكرنى

ولو مريت في طريق مشينا مره فيه
أو عديت في مكان كان لينا ذكرى فيه
ابقى افتكرني حاول تفتكرنى
دى ليالى عشناها ابداً مش حنساها
على بالى يا حبيبى على بالى ايام وليالي
على بالى ليل ونهار وانت على بالى

ومنين نجيب الصبر يااهل الله يداوينا
اللي انكوى بالحب قبلينا يقول لينا
وسافر من غير وداع

من الليالي الليالي من بعدك واللى جرالي
سهرنى الشوق دوقني الشوق طعم الحرمان في الليالي
ياما ايام ضاعت يا سلام في عذاب وآلام سهران ما بنام
قضيت الليل مع قمر الليل ونجوم الليل نحكي في كلام
ياما قلت عنك وغلبت شكوى منك وحياه الغالى عندك
ابقى افتكرنى حاول تفتكرنى

تعالى تعالى تعالى تعالى تعالى
خلي الشمس مع ابتسامتنا تطلع وتنور دنيتنا
تعالى تعالى تعالى تعالى تعالى
ليه نقول ان الفراق مكتوب علينا والحياه قدامنا؟
ليه نسلم نفسنا لليأس ونقول انظلمنا ليه نقول انظلمنا
تعالى تعالى تعالى تعالى تعالى
خلي الدنيا تشوف فرحتنا خلى الدنيا تقول حكايتنا
تعالى تعالى تعالى تعالى تعالى
ياللى وانت بعيد معايا نفسى يوم تسمع ندايا
وان ماقدرتش تيجى تانى ونسيت زمانى ونسيت مكاني
ابقى افتكرنى حاول تفتكرنى