كلمات اغنية "سوبر مان" سميره سعيد

بقى دى اللي كان طيب وحنين
ورومانسي كمان
كان هو العاشق الولهان
كان بيحب الدنيا وكلو جنان
كان سندي وضهري وليا امان

بقى بارد جدا بقى دمه تقيل
بقى ندل قوي وطماع وبخيل
البيه اللي عاملي انه مؤدب وجميل
بيجيلي مدروخ نص الليل

بقى بارد جدا بقى دمه تقيل
بقى ندل قوي وطماع وبخيل
البيه اللي عاملي انه مؤدب وجميل
بيجيلي مدروخ نص الليل

بقى كسلان ومأنتخ كرشه قصاده شبرين
قاعد ياما هنا ياماهناك
بقى منكوش ومبهدل
شخص كئيب وحزين
نكدي وسلبي وعصبي وشكاك

كان مهتم بنفسسه وسيم ورياضي وشيك
زي لاعب كوره او فنان
كان اول ماحتاجله يقول شبيك لبيك
كان هو فنظري سوبرمان

اللي مجنني مع كل مافيه انا لسه بحبه وباقيه عليه
شوفتوا المأساه شوفتوا الافيه ده الحب ودي عمايله وبلاويه
اللي مجنني مع كل مافيه انا لسه بحبه وباقيه عليه
شوفتوا المأساه شوفتوا الافيه ده الحب ودي عمايله وبلاويه

ياما لاموني وقالولي وزنوا عليا كتير اسلوبك دة ماينفعش معاه
طول ماالراجل عارف العصفورة مش هتطير هيفضل يعاملها بلامبالاة

كان مهتم بنفسسه وسيم ورياضي وشيك
زي لاعب كوره او فنان
كان اول ماحتاجله يقول شبيك لبيك
كان هو فنظري سوبرمان