كلمات اغنية "انا الخوان" محمد المرزوق

انا الخوان ما خنتك ولكن خنت قلبي فيك
عطيتك كل سر قال خله بينك و بيني
انا الغلطان صدقتك وسلمت الهوى بيديك
وسكنتك نظر عيني وش أغلى من نظر عيني
صبرت وقلت نستجمع هوانا ياعسى يمديك
وضيعت الهوى بيدك وانا ماعاد يمديني
ترى مشكلتي أحبك وأكبر مشكلة ما أبيك
يعذبني الحنين اللي على دربك يوديني
على وجهك وضعت آمال قلبي بس ما يكفيك
لأني كنت متوقع جمالك ذا يكفيني
جذبني وردك الزاهي وجيت امطر على ساقيك
سهيت ولا دريت إنك كسرت الشوك بيديني
وياما سولفوا عنك ولكن كنت ما أسمع فيك
وأقول إن العواذل همهم لا أجيك و تجيني
أنا كم كنت أقول ايامها يا جعلني ما أبكيك
توقعت ان ما غير الفراق اللي يبكيني
ولكني بكيت ولا بكيت الا على ماضيك
يا ليتك رحت عن عيني قبل ما أتطيح من عيني