كلمات اغنية "رساله رقم 1000" الجوكر

زي ما يكون الشقى من اجل الشقى مطبوع في جيننا
كل ده ويادوب عارفين نوفر اكسجيننا العالم سلبي بوجودنا او من غيرنا
ماعوزناهاش على طبق من فضة وعهد الله عافرنا
اما بعد مقدرش اديكي وعد من خبرة ربع قرن لقيت اني مش وش سعد
بكرايا فوق كف العفريت وكل يوم تهديد
انا زي ما تقولي سبرتو والزمن عيدان كبريت
لا عوزت تاج وعرش ولا مفيش عوزت اعيش
مش كل من قبل مقام الدنيا صار درويش
اتكاتروا عليا ومكانش شيء في ايديا
معادنا في الحياه اللي جايه لو الشمس حيه

لا صوت يعلو فوق صوت الاعلام الاحادي
حتى لو فتحت القفص الطير بقى اعتمادي
بوصل خط النهاية لكن مابقفش للميدالية
من مسرح مصر الله يمسيك بالخير يا وليم
غضبان غضب مبالغ فيه كان محال انا اميل
كان سؤال انا مين بيطاردني للنفس الاخير
ياما شاورتلك ع الشر واستنيت تطرحي
وجهة نظر من مطرحي عيشتي ايه عشان تنصحي
اسف ع الازعاج والاحتياج وقلة المزاج
اسف على ان الطريق معايا كان زجزاج

مش بتعلم بسرعة وبليد في ظبط الجرعة
وعنيد وعندي مابيراعيش امور وجب ان ترعى
على قبر ارسطو نحتوا راس فنان مسف
شوف إقترحنا لك إيه
لو كات في حتة تانيه كنت اقول ممكن نخف
مسير الطين يجف اثينا بينا بتستخف
الارض واقفة حداد والكون ما اجبرهاش تلف
عزف العود الابدي مش في صالح اللي انا عليه دلوقتي
افضل اواجه الهلاك بشكل فردي
اهربي بلاش تعاندي هتقعي مش هتساندي
الدنيا مالت عليا والزمن ماوقفش عندي

ياريتني قولت لا عمري ضاع على المدق
كانت بقت اكسجين خلاص اما ابتدت تغمق
شفت موت ملوش ميعاد في فراغ ملوش ابعاد
عشت ست سنين اربعة وعشرين ساعة بتتعاد
عيونهم مراية بايظة كان قرباني ليها
اني اشوه وشي لاجل ما يطلع شكلي حلو فيها
مافرحتش اما طلعلك صوت لانك بنت موت
الكاس في ايد اصحاب الكاس من قبل اول شوط
تخيل اللي انت فيه من اجل ناس مدركه
ان الخوف امان ونزعة الواجب مهلكه
خيوط الصح والغلط في بلدنا متلعبكه
كله ضهره لحيط عشان محدش اهل ثقه
كنتي فين وانا بصرخ ان نهجك استنزفك
وان الاتك اللي عزفتي عليها اصبحت تعزفك
فمعادش تجزيء الحقيقة يستر العورات
ولا عاد معاكي ابرة وفتله كل دي مقصات