كلمات اغنية "مبكرهوش" لطيفة

مابكرهوش
ومهما تكرهوني فيه
هحبه وأحن دايما ليه
دا لو كان سابنى يوم بإيديه
كتير أيام وقف جانبي
مابكرهوش
وهفضل فاكرة ليه الخير
وهنسى الجرح والتقصير
دا لسة فى عينى هو كبير
ولسة بحبه من قلبي

ولو قولتوا أنه مش ليا
وروحى فى حاجة مش جاية
ولو قولتوا إنى منسية
ومش فى دماغه ولا شغلاه
ولو قولتوا إنه شاف واحدة
ومش بيحس بالوحدة
ولو قولتولى إيه حتى
لاهكره قلبه ولا هنساه

مابظلمهوش
ومهما تحكوا ياما عليه
كلامكم أنا مش هفكر فيه
ومن حساباتى أنا هلغيه
ومش هسمحلوا يشغلنى

مابظلمهوش
ولو مظلوم أنا مسمحاه
ولو ناسى اللى عشته معاة
أنا يصعب علية أنساه
ولسة الشوق بيقتلنى

ولو قولتوا أنه مش ليا
وروحى فى حاجة مش جاية
ولو قولتوا إنى منسية
ومش فى دماغه ولا شغلاه
ولو قولتوا إنه شاف واحدة
ومش بيحس بالوحدة
ولو قولتولى إيه حتى
لاهكره قلبه ولا هنساه