كلمات اغنية "حلم عمري" محمد سلطان

سنين وانتوا بتحاربوني
وعمركوا في حالي ما سبتوني
وكان نفسكوا تهدوني ولا اتهديت
وياما كتير أذتوني
وداريت دمعي جوه عيوني
وقولتلكم هتشوفوني واديني بقيت
سلمت لربنا أمري ومسكت في حلم عمري
وفضلت اعافر واجري واخبط علي كل باب
مستسلمتش ليأسي تعبت وكملت نقصي
وهنت ومرمطت نفسي وسفيت التراب
سنيو
وأديني واقف قصادكم ونجاحي حارق قلوبكم
وبقيت حاجه غصب عنكم شكلكوا دلوقتي ايه
علي كل حال بشكركم لولا غلكم وسوادكم
مكنتش حققت حلمي و وصلت للي انا فيه
عليا زمان ضحكتم واتريقتم وقولتم
عمري ما هوصل وهنتوا طموحي وشككتوا فيه
حلفت ساعتها لحسركم علي نفسكوا واعرفكم
مين اللي قللتوا منه واستهزءتوا بيه
وقفتوا كتير في طريقي وفرحتوا في همي وضيقي
وإتخلي عني صديقي ولا اتهزيت
مقعدتش وحطيت أيدي علي خدي ولومت نصيبي
وقولتلكوا بكره هيجي يومي واديني جيت
و رغم أن الكل باعني ودا اكتر شيء وجعني
قولت لنفسي وايه يعني دا مش وقت الحساب
مفيش حد هيرجعني خطوه لوري ويمنعني
عن حلمي مهما خدعني كل الناس والصحاب