كلمات اغنية "دفتر وممحاه" أحلام

خواطر دفتر وممحاه ادون ما مضى وامحي
على رف المشاعر ما بقى لي غير اقلامي
ارتب بعض افكاري ما بين احزاني و فرحي
وتترامى بعض ذكراك ولا ادري ليه قدامي
مع اني ما افكر فيك الاقي اسمك بطرحي
سكنت ابياتي ماكفاك تربع عرش احلامي
انا وش في يدي قلي سوى يامفارقي جرحي
وكن حبك زرعه الله حبيبي داخل عظامي

تضيق احوالي لك الجأ الاقي بقبلتك شرحي
تجبر هالزمن واحرم عيوني تكون قدامي
عسى ماينتهي عمري وانا متوسد جرحي
يحاصرني الم ذكرى سكنها حزن مترامي
ربحت او بالأصح حسيت ربحتك وانتهى ربحي
قبل لا ارتوي وصلك رجعت اللاهث الظامي
انا وش في يدي قلي سوى يامفارقي جرحي
وكن حبك زرعه الله حبيبي داخل عظامي