كلمات اغنية "بسيط" احمد سعد

مش مليونير ولا عندي دفتر شيكات
ولا بيت كبير مليان تحف وأنتيكات
ولا تابلوهات متعلقة فوق الحيطان
ولا ساعات ماركات ولا هدوم سينيهات
إنسان بسيط جداً كمان لما تشوفيه
ممكن ما يلفتش انتباهك حاجة فيه
ممكن يجوز بالوقت لما هتعرفيه
تلاقيه ما كانلوش ذكريات
بسيط إنسان بسيط
ما في إيديه ولا حيلته غير كلمة ياريت
فكان عشمان كمان
يلقاله فيكي وبيكي عيلة وناس وبيت
ما وعدتكيش سنة عن سنة نغير موديل
ولا في الأجازة نسيب أوتيل ونروح أوتيل
ولا كل ليل نسهر هنا وهناك عشان
ما أقدرش أبان فارس وأنا مش لاقي خيل
أنا حد من شيل الهموم بيبان عجوز
ولا ليه معارف أو في يوم كان ليه نفوذ
فأنا لو خسرتك عادي ما أنا بخسر كتير
وإن فزت بيكي هتبقى أول مرة أفوز
بسيط إنسان بسيط
ما في إيديه ولا حيلته غير كلمة ياريت
فكان عشمان كمان
يلقاله فيكي وبيكي عيلة وناس وبيت