كلمات اغنية "الهوي غلاب" ام كلثوم

هو صحيح الهوى غلاب معرفش انا
والهجر قالوا مرار وعذاب واليوم بسنه
جانى الهوى من غير مواعيد
وكل مادا حلاوته تزيد
محسبش يوم هياخذنى بعيد
يملى قلبي بالأفراح
وارجع وقلبى كله جراح
إزاى يا ترى
أهو ده اللى جرى
وانا ما عرفش
نظره وكنت أحسبها سلام وتمر قوام
أتارى فيها وعود وعهود وصدود وآلام
وعود لاتصدق ولا تنصان
عهود مع اللى مالوهش أمان
صبر على ذله وحرمان
وبدال ما اقول حرمت خلاص
أقول يارب زدنى كمان
إزاى يا ترى
أهوه ده اللى جرى
وانا ما عرفش
يا قلبى آه
الحب ورآه
أشجان والم
واندم واتوب
وعلى المكتوب
ميفدش ندم
يا ريت أنا أقدر أختار
ولا كنت اعيش بين جنه ونار
نهارى ليل وليلى نهار
أهل الهوى وصفوا لى دواه
لقيت دواه زود فى أساه
إزاى يا ترى
أهو ده اللى جرى
وانا ما عرفش