كلمات اغنية "ثوار ثوار" ام كلثوم

ثوار ثوار ولاخر مدى ثوار
مطرح ما نمشي يفتح النوار
ننهض فى كل صباح بحلم جديد
ثوار نعيدك يا انتصار ونزيد
وطول ما ايد شعب العرب بالايد
الثورة قايمة والكفاح دوار
من ارضنا هل الايمان والدين
عيسى ومحمد ثورتين خالدين
والعلم ثورة ومن هنا قامت
والفن والحرية والتمدين
ثوار بإسمك يا تاريخ تنطلق
نحكم عليك يا مستحيل تنقلب
نأمر رحابك يا فضا تمتلئ
والخطوة منا تسبق المواعيد
وطول ما ايد شعب العرب بالايد
الثورة قايمة والكفاح دوار
ثوار ثوار و لآخر مدى ثوار
الشعب قام يسأل على حقوقه
والثورة زى النبض فى عروقه
اللى النهاردة يحققه و يرضاه
لابد بكرة بهمته يفوقه
ثوار مع البطل اللى جابه القدر
رفعنا راسنا لفوق لما ظهر
بوسنا السما وياه ودوسنا الخطر
و العزم ثابت و العزيمة حديد
و طول ما ايد شعب العرب فى الإيد
الثورة قايمة و الكفاح دوار
ثوار ثوار و لآخر مدى ثوار
ثوار ثوار و لآخر مدى ثوار
تعالوا يا اجيال يا رمز الأمل
من بعد جيلنا و احملوا ما حمل
و افتكرونا واذكرونا بخير
مع كل غنوة من اغانى العمل
هيلا هيلا هيلا هيلا
ثورتنا عمل وكفاح
هيلا هيلا هيلا هيلا
هبوا واصنعوا الامجاد
هيلا هيلا هيلا هيلا
وابنوا فوق بنى الاجداد
اول طريقنا بعيد واخره بعيد
وطول ما ايد شعب العرب فى الايد
الثورة قايمة والكفاااح دوار
ثوار نهزك يا تاريخ تنطلق
نحكم عليك يا مستحيل تنخلق