كلمات اغنية "هلوسه" المدفعجيه

أصحي معانا كده يا برنس لغة كلامنا فيه سسبنس
علي الصبح انا ببدأ يومي كائن تايه مش مضبوط
زي العربية الخربانة ماشية من غير كبوت
هيا دماغي طقت مني أطلع انا طلعة جوية
روحت حجزت الطيارة ولبست الكوتشي علي الجلابية
الدنيا تدور و تلف فوق و تحت و من حواليا
بقيت مش عارف أميز أيديا من رجليا
وفي قاعدة الصحاب بقيت بشوف أشكال دماغات
اللي دماغه في الفلوس و اللي دماغه في البنات
واللي دماغه في الرياضة و اللي يقف جنب الصدادة
واللي عايش فيها تايه و اللي تخانق مش متراضي
ودخلت حفلة عجيبة فيها وشوش غريبة
كله واقف و مأكسس و بيشرب من التركيبة
محدش فاهم حاجة ودماغهم في الثلاجة
ماسكين البزازات و فيها قهوة سادة
هو ايه اللي بيحصل هو ايه اللي بيجري
يا رب أكون بحلم واللي حصل بيقي ذكري
وخرجت علي الشارع بجري جرية المجنون
ولقيت كائن مجنح واقف و في أيده لمون
وقالي يا سلام عليك بصوت ام كلثوم
نفضت و عديت الطريق و قلت عادي تمام
والأسد عدي جنبي بيقولي الساعة كام
فجأة الدنيا جابت ألوان قوس قزح من حواليا
ولقيت مازنجر من آخر الشارع جاي بيجري عليا
ويقولي ألحقني يا صاحبي دي الدنيا جاية عليا
وساعتها ضحكت ضحكة بعدها أغمي عليا
وصحيت في المستشفي و الجرافيك كان من حواليا
بطل ترانسفورمرز ياختي علي البلطجية
خيالي العالي من يميني و من شمالي
بهذي بحاجات غريبة واخده شكل السحالي
هو انا عايش علي الأرض و لا طلعت علي المريخ
شايف عيلة فضائية فارشة ملاية بيكلوا فسيخ
و فجأة صوت زعيق عالي خرم طبلة وداني
روحت راكب المكوك وراجع علي بيتي تاني
و السواق دخل برامودا يارب يلف تاني
روحت راجع الجالية بالشنب و الجلابية
و فجأة شوفت كبير الدار بيقول من ده يا ولية
وجريت من الدار أنا جري جنون شايف أصنام حواليا
تباً لكم يا قوم يا بتوع عصر الجاهلية
عديت ممر في كهف لقيت ماتش ما بين فريقين
بيقولوا أحمس و الهكسوس و الماتش أتنين أتنين
أخدت الكورة و جريت جريوا ورايا الفريقين
لقيت نفسي في مغارة تنين لابس نضارة
بيبخ نار من بقه و الفيلم زاد إثارة
فلاش باك يجمعني بملك المغول
قالي أقتل التنين لا الصبح تكون مقتول
فجأة بقيت مذهول
لا لا لا ثواني
أطلب و أحضر و تمناني دقت ساعة وقت جناني
انا في زمكنكم ولا زماني ولا أنا راكب جوا خيالي
قومت منفض مدي العالي عامل الدخلة وظابط حالي
عامل نايم ولا علي بالي وفثواني القائد جالي
شاكب راكب و أرجع تاني
حرب واكب فيها عجايب تضرب تقلب تبقي مصايب
من كوكب الدخان المستخبي بان
و القائد الهمام والثورة في الميدان
هات الشعب الغلبان يتكلم بصراحة
آن الآوان يعودوا وهترحل من المكان
الشعب يريد إرجاع الأصطباحة
و نجيب واحد مكانه و الناس تعيش مرتاحة
الثورة مستمرة جوه الميدان وبره
وتوتة توته توته خلصت انا الحدوته
وفهمنا ايه اللي ماشي و فقنا من الغيبوبة
ياللي واقف علي المنصة وحوه البرلمان
جت الفكرة ساعتها نمنع الدخان
و لا للأصطباحة ولا للتوهان
ونغير أسم الكوكب ونصلح اللي كان
راجع أكمل اجازتي أكيد محتاج انام
عاوز انام محتاج انام