كلمات اغنية "احسن ناس" داليدا

أدينا بندردش ورانا اية ورانا اية
بنحكى و نفرفش ورانا اية ورانا اية
نحب نتعرف ورانا اية
نحب نتشرف ورانا اية
و منين يا بلدينا و بلدكوا اية
أحسن ناس احسن ناس
سوهاج بلد المواويل
سوهاج برج الزغاليل
سوهاج يا حبيبى يا حبيبى
سوهاج دى عروسة النيل
سوهاج يا بوى عالم شغال يرخصلة المال
رجالة جد و حمل جبال
يا بلدي بلدينا
أدينا بندردش ورانا اية ورانا اية
بنحكى ونفرفش ورانا ايه ورنا ايه
نحب نتعرف ورانا ايه
نحب تشرف ورانا ايه
أحسن ناس أحسن ناس
على كوبرى بنها يا نور عينى
منديل حبيبى طرف عينى
بعد الفراق و الاشواق
جمع الهوا بينه وبينى
على كوبرى بنها على كوبرى بنها
يا اسماعيلية يا اسماعيلية
أحب أزورك فى المغربية
أركب فلوكة انا و حبايبى
و نغنى غنوة عالسمسمية
أة يا لالالى حبيبى يالالالى
يا روحى يا لالاالى
أدينا بندردش ورانا ايه ورنا ايه
بنحكى ونفرفش ورانا ايه ورانا ايه
نحب نتعرف ورنا ايه
نحب نتشرف ورنا ايه
ومنين يا بلدينا وبلدكوا ايه
أحسن ناس أحسن ناس
عالمحلة منين يا سمنودى
عالمحلة منين ارض جدودى
عالمحلة منين أة يا شن و رن
عالمحلة منين يا سمنودى
اسكندرية أحسن ناس
عالبحر ماشية تتمختر
من سيدى بشر لأبو العباس
أيوة يا عالم عالمنظر
أيوة يا عالم عالمينا
و الشوق بيتمرجح بينا
و تولتوميت الف سفينة
عالبحر ماشية بتزمر
يا نقرزان حى الجدعان
حى العرايس و العرسان
محروسة من الانس و مالجان
يا حلوة يا ام التوب الاخضر
اما انا ده انا من شبرا
من مصر و اولادها الطعمين
زى القمر بعيون سمرا
لابسين عقود فل و ياسمين
و النيل بيضحك و يغنى
فاكرنى و بيسأل عنى
أروحلة-الاقه مستنى
و جنب منة أحسن ناس
أحسن ناس