كلمات اغنية "صحي النوم" محمود الليثي ,احمد عدوية

[الليثي]
يا عيني ياليل ياليل ياليل ياليل
يا عيني ياليل ياليل

[عدوية]
مسيرها تروق وتحلى في يوم اه مسيرها تروق
مفيش في الدنيا حال بيدوم
مكان ما ترسي دقلها واشرب وخف تعوم

طاب خف تعوم وصحي النوم
خف تعوم وصحي النوم

[الليثي]
هناخد منها كلنا ايه
ونشغل بالنا اصلاً ليه ليه
في رب كريم مقسمها مقسمها
مدبرها وتوكالنا عليه
توكالنا عليه توكالنا عليه

اه توكالنا عليه توكالنا عليه

الفلوس مش كل حاجة
اللي عاوز كل حاجة
عمره ما حيطلع بحاجة
عيشها راضي بكل حاجة
لو جريت جري الوحوش
غير رزقك لن تحوش
مش هتاخد غير نصيبك
سيبها ماشية بالتوكال

خف تعوم صحي النوم
خف تعوم صحي النوم

[عدوية]
مهما يجري العمر بينا
عمرها ما تروح علينا
احنا برضه الاصل ديماً
شعرنا الابيض ده هيبه
شعرنا مهما شاب
قلبنا اخضر شباب
ضهرنا مهما اتحنى
احنا عمرنا ما اتحنينا

[الليثي]
هو مين في الدنيا قدك
ياللي سر المغنى عندك
ده انت حتى يا ليل يا عين
كلنا واخدينها منك
ياللي كل زمان زمانك
ياللي كل اوان اوانك
انت والنعمة الكبير
كلنا عارفين مقامك

[عدوية]
طاب خف تعوم وصحي النوم
خف تعوم وصحي النوم

[الليثي]
مش طالبة هموم
احنا اللي فينا مكفينا

اصحى وفوق
بكرة تروق

[عدوية]
طاب اصحى وفوق

[الليثي]
بكرة تروق
سيبها ع اللي فوق

[عدوية]
هتبقا فل وفخفينا

[الليثي]
خف تعوم صحي النوم
خف تعوم

[عدوية]
صحي النوم

[الليثي]
الحياة من ده على ده
والرضا سر السعادة
واللي طمعان في الزيادة
عمره ما يكفيه الكتير
اللي في ايديك ارضى بيه
اوعى تتبطر عليه
بكرة رزقك هتلاقيه
زاد عشان ربك كبير

خف تعوم صحي صحي النوم
خف تعوم

[عدوية]
خف تعوم