كلمات اغنية "اللي يقدر على قلبي" ليلى مراد

كلمات اغنية اللي يقدر على قلبي مكتوبة

اللي يقدر على قلبي يخطفه وأنا أجري وراه
واللى يقدر على حبي يخطبه وأنا أعيش وياه
وساعة إيدى ما تيجي فى إيديه أحس بقلبه وأشوف بعيينيه
أنا أشوف بعينيه
أهو أنا أهو أنا ولا حد ينفع إلا أنا
شكلي صحيح مالوش دوا لكن اختصاصي فى الهوى
ماما فاتت لي فى البلد أطيان كتير مالهاش عدد
كان عندها اتنا عشر ولد ما فضلش منهم إلا أنا
والعزبة دي في شبرا اليمن وح ابيعها بكرا مقدماً
وح اشتري بيها موقتاً دبلة خطوبة حبنا
بس ارحمى بس اقبلي ما تضيعيش مستقبلي
كلام جميل وكلام معقول ما اقدرش أقول حاجة عنه
لكن خيال حبيبي المجهول مش لاقيه فيك حاجه منه
من ناحية قلبى ونار قلبي واتحب بموت
وحبيبى لو غاب يوم عني أرقع ميت صوت
بلدى ومدردح وإذنجى واكسب جنيهات
واعمل م الفول والطعمية أربع عمارات
ندرٍ علي لو قلتي أيوة لأخلّي روحي فى إيديكى شمعة
وافرش عيني في كل خطوة تمشي عليهم والشمعة والعة
كلام جميل وكلام معقول ما اقدرش أقول حاجة عنه
لكن خيال حبيبي المجهول مش لاقيه فيك حاجه منه
سيبك منهم ده ما فيش غيري قيمة ومركز ووظيفة ميرى
مربوط ع الدرجة التامنة والناس درجات
ومرشــح آخد التاسعة غير العلاوات
ما اعرفش لا كده ولا كده م الباب للباب
لا لي دعوة لا بده ولا بده ولا لي أصحاب
يعنى المهية من الصراف مع العلاوة على الانصاف
حيكونوا ملك إيديكى نضاف
وإنشالله آكل أنا عيش حاف حاف
كلام جميل وكلام معقول ما اقدرش أقول حاجة عنه
لكن خيال حبيبي المجهول مش لاقيه فيك حاجه منه
جيتك من آخر لبنان مسلوب الفكر وطمعان
احظى بعيون الغزلان واشرب من نهر الخلان
بحياة ها الورد المبذور فى خدود تحاكي البنور
بحياة من صوّر ها النور ما تخليني أرجع عطشان
نظرة واحدة تشبك قلبي بها العينتين
كلمة واحدة تصير معاهدة بين قلبين
نكتبها بغزل وجنون نبصمها بحبات عيون
وتصيرى ليلى وأنا المجنون وأنا المجنون
كلام جميل وكلام معقول ما اقدرش أقول حاجة عنه
لكن خيال حبيبي المجهول مش لاقيه فيك حاجه منه
حبيبى
عمالة أدور عليك وأتاريك هنا جنبى مافضلش غير نظرة واحدة
أفتح لها قلبى
كلمينى يا شاغلنى
طمنى يا شاغلنى
كلمات :
أخراج :
أنتاج :
توزيع :
الحان :
12 ألف مشاهدة
  • شارك المقالة

قد يعجبك

donate