كلمات اغنية "ماتحاسبش"
مسار اجباري

كلمات اغنية ماتحاسبش مكتوبه
ما تحاسبش حد تاني
قبل ما تحاسب ضميرك
الحياة ما فيهاش ملايكة
وانت مسئول عن مصيرك
قبل ما تبص لوشوشهم
شوف ملامحك ف المراية
قبل ما تحاسب ذنوبهم
هات حكايتك م البداية

الدموع مش حزن دايما
والسعادة مش في ضحكة
يعنى خطوة تخاف تاخدها
تلقى فيها الفرح سكة
اللي باين صعب جايز
يبقى أبسط م البساطة
و اللي بالملايين بيفرح
بيبقى تاني ع البلاطة

فمتحاسبش حد تاني
قبل ما تحاسب ضميرك
الحياة ما فيهاش ملايكة
وانت مسئول عن مصيرك
قبل ما تبص لوشوشهم
شوف ملامحك ف المراية
قبل ما تحاسب ذنوبهم
هات حكايتك م البداية

اللى عاش العمر ساكت
بكره يعلا ويعلا صوته
واللى عاش للدنيا عاشق
بكرة تستهون بموته
إوعى تفرح بالمظاهر
كل وش مخبي خدعة
واللى مرة بيبقى ظاهر
بكرة ممكن يبقى بدعة

فمتحاسبش حد تاني
قبل ما تحاسب ضميرك
الحياة ما فيهاش ملايكة
وانت مسئول عن مصيرك
قبل ما تبص لوشوشهم
شوف ملامحك ف المراية
قبل ما تحاسب ذنوبهم
هات حكايتك م البداية