كلمات اغنية "أيام زمان عمر كمال" عمر كمال

أغانى 2020

كلمات اغنية أيام زمان عمر كمال مكتوبة

حنيت لمكانى و انا وسط جيراني
ياما فى عز المحنه شالوني و تعبوا عشاني
بحن لحكاويهم و السنده عليهم
فاضل منهم اجمل سيره
كانت احلى ليالى
كان فى أمان مع ناس زمان كان فى حياة
لو غابوا روحهم فى المكان و محلياه
فى ذكريات من ناس فى قلبي مونساه
كان فى حبيب و عنيا لسه مصدقاه
كل اللى كان سافر بعيد نسأل عليه
رمضان زمان تفاصيله غير دلوقتى ليه
ولا عمر عدي علينا عيد حسينا بيه
الا اما نتجمع عشان نتلاقى فيه
بحن لبيت جدي و حدوته ستى
لمدرستي فى الابتدائيه عن بالى ما غبتى
بحن لوقفه عيد لعيديه و لبس جديد
بحن لوقفه عيد و عيديه و لبس جديد
بحن لكل شئ كان فيا مبقاش دلوقتى
غمضت عيني و بفتكر ايام زمان
شايف قصادي 100 حكايه و 100 مكان
سبحه ابويا و دعوه أمي ساعة الادان
وجواب فى ورقه حدفتها لبنت الجيران
وحشتنى رحلة سندباد و بورسعيد
بالعوامات فى وسط موجه نروح بعيد
غية حمام مليانه خير على سطحنا
والشمعدان و اتاري ماريو وصوت حميد
بيتنا القديم مليان صور بتقول كلام
مليانه فرحة و فيها ود و اهتمام
ده مكانش حد يقول لحد خلاص سلام
الا اما يتأكد بأنه بخير تمام
وشارعنا ياما جمعنا و احنا صغيرين
كان كل يوم نلعب سوا مش فين و فين
والناس بتضحك ليل نهار كانوا فرحانين
حاسين فى لمتهم دفي متطمنين
ياما فى عز المحنه شالوني
بحن لحكاويهم و السنده عليهم
فاضل منهم اجمل سيره .
.كانت احلى ليالى
كلمات :
أخراج :
أنتاج :
توزيع :
الحان :
815 مشاهدة

قد يعجبك