كلمات اغنية "صاحبي" حماده هلال

صاحبي اللي كنت أديه عنيا
وأموت لو كح شوية
هو اللي أول واحد باع
مش فارقة بقى وداع بوداع
على روحه هشرب شاي نعناع
وأبص لحياتي شوية

كان الحياة بالنسبالي
ومقامه وسط الناس عالي
انا لو عاتبته وفهمته
هذله وهقل في قيمته
أرخص ما فيه هو كرامته
عمر الرخيص ما صبح غالي

لا لا لأه لأه لأه
متقولش صاحبي لأه
من دولابي ياما نقي
كان ناقص أجيبله شقة

لا لا لأه لأه لأه
زقيته ألف زقة
على حسي ياما اترقى

صاحبي اللي بيجيب في سيرتنا
وهو متربي في بيتنا
اعاتبه إيه لا خلصانة
دي بيعة أصلاً خسرانه
بكره هييجي يقول آسف
وهقوله على عيني ياريتنا

امي قالتهالي في مرة
صاحبك على القهوة و برة
مايخش بيتك إلا أمين
صاحب جدع وبيمشي يمين
حرص عشان فيه بني آدمين
تعابين ولدغتهم مرة