كلمات اغنية "مزلاج" اميمه طالب

لا باب مسايف ولا باب مهجوج
ماعاد يمدي يقفل الباب مزلاج

قد روحت به رياحك الصايله الهُوج
راحت معه روحي قبل باب وسياج

ياللي حنانك فوج يستلحقه فوج
أضويت في صدري عقب حزني سراج

يا عنك أحبك حبن يسوجني سوج
ولك فالسما دلو على الروح هداج

كم كحلت عيني على الصبر مدعوج
و اتجمّلت روحي رِجا الغم ينباج

لا ما حسبت الوقت يذخر لي بروج
ولا ما حسبت الحزن يكتب له افراج

ياغالب ظني عن الناس بفجوج
فجوج خير مزنها يصب ثجاج

ياناهب كلي غدا القلب مخجوج
نهبت كل الطيب ما همك احراج

وجهك نصيبن لي يبو ثغر مبهوج
واسمك كتبه الله علي يومي امشاج

لا صار حبك في الشرايين مدهوج
ارفق على قلب يحبك و محتاج

استعشب بروحي وفضلوعي العوج
وامطر على روحن صهدها كِما الصاج

هذا قدر ربي به الحق منسوج
نلبس قدرنا بالرضا و ندرج ادراج