كلمات اغنية "عيوني تشوف" عبد المجيد عبد الله

عيوني تشوف بس القلب ما شافك
اشوف القلب يجبرني على الصده
جروحي وملتك والخاطر وعافاك
وما عافاك الخاطر إلا واصل حده
ماعاد ابي لك عذر وقت العذر طافك
جيتك اودع زمن ما جيتك ارده

تجفاني اجفى تحب احبك اضعافك
عودت قلبي كذا في اللين والشده
العاشق اللي رسى عمره على ضفافك
لو راح عذره معه لو كان ماوده
الله لو كان قلبك يشبه اوصافك
ما كان شفت الوصل دمعه على خده

سلمت لك مركبك بحرك ومجدافك
حس بشعور الفراق اللي بلا رده
البادي اقسى وانا ما ادور انصافك
يمديك تندم علي لا طالت المده
بأمشيك يا سكة الفرقا ولا اخافك
وان كان دربك طويل فخطوتي قده