كلمات اغنية "بحبك صدقني" وردة

بحبك صدقني ‏ 1983

كلمات اغنية بحبك صدقني مكتوبة

يا للي جمعت القلوب على الوداد و الميل
يا للي وهبت الجمال وخلقت كل جميل
يا للي جعلت الغصون فوق الغصون بتميل
يارب ديم المحبة بين حبايبنا على شان نغني سوا ونقول
يا لليل يا عيني ليلي يا عيني يا ليل
يا حبيبي بحبك صدقني احلفلك ليه بتكدبني
هو انا لو اكون ما بحبكشي ايه عالحلفان راح يغصبني
يا حبيبي يا حبيبي يا حبيبي

صدقني وصدق حلفاني انا قلبي مالوش غيرك تاني
وان بعادك طال يبقى حالي حال
وان ما كنش ده حب يبقى ايه امال
ده سؤال وعليه انت جاوبني
هو انا لو اكون ما بحبكشي ايه عالحلفان راح يغصبني

لو تبعد عني افكر فيك و اسرح مع لهفة شوقي اليك
وان جيتني الدنيا حتحلالي و اتهنى معاك بجمال لياليك
وابقى فيك سرحانة تايهة مش دريانة
وانت واخد عقلي و في هواك ولهانة
وهواك يا حبيبي مدوبني
هو انا لو اكون ما بحبكشي ايه عالحلفان راح يغصبني

وحياة حبك عندي يا غالي انت لوحدك بس لوحدك شاغل بالي
من يوم ما قابلتك وعرفتك . مش عارفه انا ايه الي جرالي
شوف بعينك شوف قلبي لك ملهوف
وفي عينيا كلام كله حب وخوف
والحب من الخوف دوبني
هو انا لو اكون ما بحبكشي ايه عالحلفان راح يغصبني
يا حبيبي يا حبيبي يا حبيبي
كلمات :
أخراج :
أنتاج :
توزيع :
الحان :
3 ألف مشاهدة

قد يعجبك