كلمات اغنية "فاطمه" انغام

على فاطمه بنت الرسول
انا بترعش من الخجل
واتمنى انول الاقبول
بنت النبي ام النبى بتعوضيه عن الصبى
وبتوقفى ضد المشركين
وماتخافيش ولا تهربى
ياام الحسن وام الحسين
فرضوا الحصار على المسلمين
لا بتشتكى ولا تيأسى
وبتصبرى على الجوع سنين
بعد الحصار يقسى الزمان
وتموت خديجة امها
ومن النبى تاخد الحنان
ويفيض على الناس كلها
قال النبى ربى البصير
هو النصير هو الولى
امرنى وانا عبده الفقير
بالعدل اجوزها لعلى
وفاطمه ام المؤمنين
جهزها منخول وجرابين
وجلد كبش تنام عليه
وتنول ثواب الصابرين
قال الرسول بحبهم
والله ربى يحبهم
احفادى من فاطمه وعلى
والجنه نورها فى قلبهم
ياازاهدة من مولدك
سيدنا النبى بيوعدك
هيموت وبعده تحصليه
فى الاخرة ربى هيسعدك