كلمات اغنية "زمان العجايب" محمد عبده

يازمان العجايب وش بقى ماظهـر
كلِّ ماقلت هانت جد علم جديـد
إن حكينا ندمنا وإن سكتنا قهـر
بين قلب عطيب وبين خلٍّ عنيـد

لو تفيد المدامع كان أسيـل نهـر
مير كثر التوجِّع والدَّمـع مايفيـد
طاولتني همومي مع طويل السهـر
ماتحمَّل ظلوعي لو ظلوعي حديـد

أصبر ايَّام وأشهر وآتصبَّـر دهـر
وإن حصل لي مناتي جيت لوني بعيد
أرجي الله وأراقب كل طالع شهر
يجلي الهم عنَّي أو عسـى مايزيـد

ياغزال فضوح الزين عنه أشتهـر
في عيوني ملاك ووسط قلبي وحيد
لو جحدت المحبه سقم حالي جهـر
مير ماكل قلبٍ ياصل اللي يريـد