كلمات اغنية "ترحالي - خلص الكلام" ادهم سليمان

مابينتهيش فعنيكي ترحالي
ولاينتهي فيكي الكلام
انا شفت فيكي عمري ووجودي
مش حد عادي قلبه حبك والسلام

مابينتهيش فعنيكي ترحالي
ولاينتهي فيكي الكلام
لو كل مافي الدنيا دي فاني
فعنيكي نوري وضحكة الايام
خلص الكلام

انا وعدك ومكتوبك
فبرد الليل انا توبك
من الليله قدرنا نعيش
طول الحياه
بغنيلك واغنيكي
يا اجمل اه في مواويلي
لو يوم تهت رديني
لطوق النجاه

كل القصايد ف الجمال ماتكفيكيش
ومن حروف اسمك بدأ معني الوجود
انا كنت عارف انه فيه للعشق دا معني
وماكنتش اعرف انه معناه الخلود

فيه قصر عالي وفخيالي بتسكنيه
لو تسمحيلي نوره هايزيد وانتي فيه
قبلك بعيش دايما
وانا في حاجه نقصاني
بعدك خلاص اللي ناقصني تكمليه
آه عشقك حياه