كلمات اغنية "انت عمري" ام كلثوم

رجعوني عنيك لأيامي اللي راحوا ،، علموني اندم على الماضي وجراحه
اللي شفته قبل ما تشوفك عينيا ،،عمر ضايع يحسبوه ازاي عليا
انت عمري اللي ابتدى بنورك صباحه ،، انت انت انت عمري

قد ايه من عمري قبلك راح وعدى يا حبيبي ،، قد ايه من عمري راح
ولا شاف القلب قبلك فرحة واحدة ،، ولا داق في الدنيا غير طعم الجراح
ابتديت دلوقتي بس أحب عمري ،، ابتديت دلوقتي أخاف لا العمر يجري
كل فرحة اشتاقها من قبلك خيالي ،، التقاها في نور عنيك قلبي وفكري
يا حياة قلبي يا اغلى من حياتي ،، ليه مقابلتش هواك يا حبيبي بدري

اللي شفته قبل ما تشوفك عينيا ،، عمر ضايع يحسبوه ازاي عليا
انت عمري اللي ابتدى بنورك صباحه ،، أنت عمري

الليالي الحلوة والشوق والمحبة ،،من زمان والقلب شايلهم عشانك
دوق معايا الحب دوق حبة بحبة ،، من حنان قلبي اللي طال شوقه لحنانك
هات عنيك تسرح في دنيتهم عينيا ،، هات ايديك ترتاح للمستهم ايديا
يا حبيبي تعالى وكفاية اللي فاتنا ،، هو اللي فاتنا يا حبيب الروح شوية

اللي شفته قبل ما تشوفك عينيا ،، عمر ضايع يحسبوه ازاي عليا
انت عمري اللي ابتدى بنورك صباحه ،، انت عمري

يا أغلى من أيامي يا أحلى من أحلامي ،،خدني لحنانك خدني عن الوجود وابعدني
بعيد بعيد انا وانت بعيد بعيد وحدينا ،، ع الحب تصحى ايامنا ع الشوق تنام ليالينا
صالحت بيك أيامي سامحت بيك الزمن ،، نسيتني بيك آلامي ونسيت معاك الشجن

رجعوني عنيك لأيامي اللي راحوا ،، علموني اندم على الماضي وجراحه
اللي شفته قبل ما تشوفك عينيا ،، عمر ضايع يحسبوه ازاي عليا
انت عمري اللي ابتدى بنورك صباحه ،، انت انت انت عمري ..