كلمات اغنية "طرقت بابك" أحمد مكي

اصله عربي ‏ 2012

كلمات اغنية طرقت بابك مكتوبة

يالله
كان نفسى اعيش طفوله من صغر سنى باشتغل ..
بتنطط من شغله لشغله لحد سن الفحوله ..
ما انا اصلى عيلتى اتفككت بدرى ومش بيدى ..
عيشت فيلم دراما طويل خدت فيه دور البطوله ..
بقيت راجل البيت عندي 12 سنه ..
يارب قدرنى اورى امى يوم هناء ..
شغلى فى طفولتى نشفلى عضمى تمام ..
تشهد نوادى الفيديو وسوق القلعه و الحمام ..
سوق الجمعه اللى اتعلمت منه ياما ..
دروس فادتني وهتفيدنى لحد يوم القيامه ..
الدنيا صراع فى صراع كله بياكل في كله ..
ومعنى الطيبه ضاع اشكى لمين واقولوا ..
الدنيا مالها قلبت غابه الارنب فيها ملهوش مكان و الغلبه بس للديابه ..
لو سلمت دماغك للفكره هتعيش كابه ..
اقولك على يخلى الفكره تمر مرور سحابه ..
اسمع..دوام الحال من المحال صدقنى بكره الشمس تطلع مهما ليلك طال ..
مهما مراكبك عطلت وقفت ماتكتئبشي سيبها على الله وتوكل صدقنى بكره تمشى ..
"طرقت بابك يالله"
"طرقت بابك يا الله"
رزقه اتقطع او رزقها اتصاب بأمراض مش أدها ..
ودعت ناس من كل قلبك كنت تحبها ..
فى دور مسير من بيدك ولا بيدها ..
كل اللى فى ايدك تسعى وتدعى ربك فكها ..
هو الوحيد اللى فى ايديه مفتاحها وحلها ..
مش ممكن ابدا هيضيع جهدك او جهدها ..
ولو حسيتها قفلت و همومك كترت عليك ..
ماتقولش ربي غضبان يمكن من حبه فيك ..
قفلها جامد عاوزك تفتكره اصلك نسيت ..
لو مش بيحبك كان سابك ماكان خلاك صحيت ..
عاوزك ترجعله أصلك وحشته و تقول يارب ..
ربك عظيم مجيب كريم مابيرفضش الطلب ..
بس أنت روحله خطوه هايجيلك خطوتين ..
خلق مفهوم الرحمه و اسمه رحمن رحيم ..
كله بيعدي العمر بيجري أسرع من النسيم ..
سلمله أمرك و اتوكل و ارضي هاتدوق نعيم ..
"طرقت بابك يا الله"
"طرقت بابك يا الله"
كلمات :
أخراج :
أنتاج :
توزيع :
الحان :
18 ألف مشاهدة
  • شارك المقالة

قد يعجبك

donate