أجمل وأطعم فسيخ في البيت

سمكه الفسيخ بتكون سمكه بوري ولازم تبقه عارفه شكلها كويس لانه قريبه اوي من شكل سمكه الطوبار خدي بالك كويس عشان البياعين متخمكيش

لازم سمكه البوري تكون طازه ومش مجمده عشان تبقه الفسيخة مزبدة معاكي وقت الاكل 

دوري علي السمكه الطازة وهتعرفيها من عنيها وخياشمها 

عنيها هتكون واضحه مش بيضه وخياشمها حمرا لون فاتح مش غمقه ولا سودة

بنحتاج كام حاجه كدا عشان تطلعه طعم فسيخ ولا اروع

الموضوع بسيط ملح خشن وشطه حمرا ناشفة بيبقه افضل لو عاوزه طعم الفسيخ بيور ومتحطيش اي إضافات تانيه 

كمان هنحتاج شويه زيت صغيرين مقدار نص كوب

واكياس كتير نظيفة وفاتحه من 7 لي 8 أكياس

كمان هنحتاج اكياس استرتش لو معندكيش يبقه لفة لزق سلتوب كبيرة هتقدي الغرض

• هنغسل السمك كويس جدا تحت الماية وكمان هنغسل الخياشيم لان بيبقه فيها رمله او طينه
• هنصفي السمك في مصفه ونحطه علي فوطه لحد متنشف مايته
• هنجيب كسرله طويله او شفشق طويل عنوقف فيه السمك بالطول يكون الرأس تحت الزيل فوق بحيث تنزل كل الماء المتبقي من الفم والخياشيم وبتسبيه ساعتين بالمنظر ده
• بعد كدا بمناديل ورق جافة بتمسحي الخياشيم من الماء المتبقي
• اخر حاجه بتفردي السمك في صنيه وتشغلي قدامه مروحه لمده ساعتين وكل نص ساعه بتقلبي السمك فيها

1. كل كيلو فسيخ هيحتاج نص كيس ملح وتزودي عليهم معلقتين كبار شطة
2. هنحط خلطه الملح والشطه في خياشيم كل سمكة
3. هنجيب الاكياس بتعتنا  ونرش شويه ملح في الكيس الاول
4. ونحط السمك فيها طريقه رأس وزيل يعني كل سمكه عكس التانيه 
5. بعد ما تحطي السمك كله في اول كيس انزلي عليهم بنص كوب زيت
6. عنقفل اول كيس كويس ونطلع منه الهواء
7. هنلف اول كيس بالاكياس الاسترتش او بالزق السلوتيب كويس جدا
8. وهنغلف باقي الاكياس حوالي 7 اكياس
9. وفي اخر كيس هنغلف بالاسترتش او اللزق يعني اللزق في اول كيس وفي الاخر بس

ممكن طريقتك تبقي مختلفي عن غيرك وممكن تكون ازيد خطوة او اقل خطوة بس اوعدكوا ان الطريق دي هتديكوا فسيخ مسكر بمعني الكلمه 

وبالهنا